حل نهائي لمشكلة الشاشة السوداء بعد تحديث تعريف Nvidia 572.83

 

طيب، ليه أصلاً الشاشة بتسود مع تعريف 572.83 ده بالذات؟

ببساطة يا صديقي، المشكلة في الغالب بتكون في التعريف نفسه. نسخة 572.83 فيها خطأ صغير (Bug) أو مش متوافقة مع بعض كروت الشاشة (زي كروت RTX 4070 و 4070 Super اللي ناس كتير اشتكت منها) أو حتى مع ألعاب وبرامج معينة زي برامج المونتاج.

الغلطة دي بتخلي الصورة تقطع والشاشة تسود، وساعات بتضطر تقفل الجهاز وتشغله تاني بالعافية.

الحل السهل: نمسح التعريف ونرجع لواحد أقدم

أحسن حل للمشكلة دي إننا نرجع لنسخة تعريف Nvidia قديمة كانت شغالة من غير مشاكل ومستقرة.

بس الأهم من الرجوع هو إننا نمسح التعريف الحالي اللي عامل مشاكل مسح كامل من جزوره عشان نضمن مفيش أي ملفات قديمة تبوظ الدنيا تاني. هنستخدم أداة مجانية وسهلة جداً اسمها DDU عشان نعمل الموضوع ده.

أولاً: نجهز حاجتنا:

1. نزل تعريف Nvidia اصدار اقدم ومستقر :

   • قبل أي حاجة، محتاجين ننزل نسخة تعريف Nvidia مستقره، أو ممكن تنزل النسخة اللي قبل 572.83 (زي 572.60 مثلاً أو اللي قبلها حسب كارتك).

   • روح على موقع Nvidia الرسمي، ودور على صفحة تحميل التعريفات ، اختار نوع كارتك ونظام التشغيل بتاعك ونزل التعريف. (روح لصفحه التعريفات من هنا)

   • خلي ملف التعريف اللي نزلته ده في مكان سهل توصل له، زي سطح المكتب.

    

2. نزل أداة DDU:

• الأداة دي بطل حل المشكلة النهاردة، هي اللي هتمسح التعريف القديم مسح كامل من الجزور.

• تقدر تنزلها مجانا وبرابط مباشر من هنا. ( تحميل أداة DDU )

• بعد ما تنزل، فك الضغط عن الملف بتاعها.

ثانياً: الخطوات العملية (واحدة واحدة وبالصور):

خلاص جهزنا الادازات؟ يلا بينا ننفذ الخطوات دي بالترتيب:

1. 1. • لازم نشغل أداة DDU في الوضع الآمن عشان تشتغل صح وتمسح كل حاجة.

      • دوس على زرار علامة الويندوز + R مع بعض عشان تفتح نافذة “Run” أو “تشغيل”.

      • اكتب جواها msconfig ودوس Enter.

• هتفتح لك نافذة اسمها System Configuration، روح للتبويب التاني اللي اسمه “Boot”.

• علّم على المربع اللي جنب “Safe boot” وتأكد إن الاختيار اللي تحته متحدد على “Minimal”.

• دوس تحت على “Apply” وبعدين “OK”.

• هيقول لك محتاجين نعمل ريستارت، قوله ماشي ودوس “Restart”.

اهم خطوه بعد فتح الSaife Mode رجع كل الخطوات دي تاني علشان الوبندوز يفتح بشكل طبيعي ف المره الجايه وميفتحش على الوضع الامن مره تانيه:

 

1. افتح نافذة Run تاني: دوس على زرار علامة الويندوز + R مع بعض.

2. اكتب الأمر ده تاني: msconfig ودوس Enter.

3. روح لتبويب “Boot” تاني: زي ما عملنا قبل كده.

4. شيل علامة الصح: المرة دي بقى، شيل علامة الصح اللي كنت حطيتها جنب “Safe boot”. اتأكد إن المربع ده فاضي.

5. دوس Apply وبعدين OK: واجل الريسترت للجهاز دلوقتي لحد منخلص باقي الخطوات.

استخدم أداة DDU للمسح (واحنا في الوضع الآمن):

• بعد الريستارت، هتلاقي الويندوز فتح في الوضع الآمن (شكله ممكن يكون مختلف شوية، عادي).

• روح للمجلد بتاع أداة DDU اللي فكيت ضغطه وشغل الملف اللي اسمه Display Driver Uninstaller.exe.

• أول ما الأداة تفتح، بص على اليمين هتلاقي قايمة اسمها “Select device type”، اختار منها “GPU”.

• في القايمة اللي تحتها “Select device”، اتأكد إنها مختارة “NVIDIA”.

• دلوقتي بقى، ركز ودوس على أول وأهم زرار فوق على الشمال: “Clean and restart (Highly recommended)“. الزرار ده هيمسح التعريف مسح كامل ويعمل ريستارت للجهاز لوحده ويرجعه للوضع العادي.

3. تثبيت التعريف اللي نزلناه:

• بعد ما الجهاز يعمل ريستارت ويفتح طبيعي، هتلاقي الشاشة ممكن تكون دقتها مش مظبوطة شوية، ده طبيعي عشان تعريف Nvidia اتمسح.

• روح بقى لملف التعريف اللي نزلته في الأول (اللي حطيته على الديسكتوب مثلاً) ودوس عليه عشان تثبته.

• التثبيت عادي جداً، هتدوس موافق وبعدين تختار “Express (Recommended)” وتكمل Next وخلاص.

 

لما التثبيت يخلص، ممكن يطلب منك تعمل ريستارت كمان مرة.

طب عشان المشاكل دي متتكررش تاني أعمل إيه؟

• متستعجلش:

  بلاش تحدث التعريف أول ما ينزل، استنى كام يوم وشوف الناس بتقول عليه إيه الأول.

• خلي عندك نسخة احتياطي:
  دايمًا خلي نسخة من تعريف قديم كان شغال معاك ومستقر، عشان لو الجديد عمل مشاكل ترجع له بسرعة.

• المسح الكامل من الجزور: 
  لما تيجي تحدث لتعريف جديد (بعد ما تتأكد إنه كويس)، الأحسن تعمل “Perform a clean installation” لو الخيار ده موجود وقت التثبيت، أو تستخدم DDU الأول زي ما عملنا.

الخلاصة :

شفت إزاي الموضوع بسيط؟ بالخطوات السهلة دي وبالصور، تقدر تنسى خالص مشكلة الشاشة السوداء بتاعة تعريف Nvidia 572.83 وتستخدم جهازك زي الأول وأحسن. أهم حاجة هي استخدام أداة DDU عشان المسح يكون من الجزور 100%.

 

قلنا جربت الطريقة دي وظبطت معاك؟ قابلتك أي مشكلة؟ اكتب لنا في التعليقات تحت وشاركنا تجربتك عشان كلنا نستفيد! ولو المشكلة لسه موجودة بشكل غريب، يبقى ممكن تحتاج حد متخصص يبص على جهازك، وخبراء Fixzzone موجودين عشان يساعدوك.